2021-ci ildə buraxılmış L nəslindən olan Opel Astra modeli Peugeot şirkətinin EMP2 platformasına keçərək 308 modelinin ən yaxın qohumu olub. Hibrid aqreqatlar da daxil olmaqla, güc qurğuları çeşidi də Peugeot şirkətinin assortimentindən götürülüb. Güc qurğuları modernləşdirilib, çünki Opel şirkətinin rəhbərliyi bu aqreqatların çox populyar olduğunu hesab edir.
Bundan əlavə, Astra modelinə olan tələbin canlanmasına ciddi ehtiyacı var, çünki ilin birinci yarısında onun satışları 35% azalaraq 29 min ədədə düşüb. Müqayisə üçün: 2025-ci ilin əvvəlindən Volkswagen Golf 104 mindən çox alıcı tapıb.
Opel Astra plagin hibridi təkmilləşdirilmiş güc aqreqatını Grandland Plug-in Hybrid krossoverindən götürüb. O, əvvəlki kimi 150 at qüvvəli 1,6-litrlik turbomühərrikə əsaslanır, lakin ötürmələr qutusuna quraşdırılmış elektrik mühərriki gücü 110 deyil, 125 at qüvvəsinə malikdir.
Sistemin ümumi gücü 180-dən 196 at qüvvəsinə qədər artıb, lakin fırlanma anı dəyişməyib - 360 Nm. Transmissiya yenidir: səkkiz pilləli “avtomat” yeddi pilləli preselektiv “robot” ilə əvəz edilib. Şirkət yeni aqreqatın hibrid güc qurğusunun tərkibində işləmək üçün daha yaxşı optimallaşdırılıb.
Nəhayət, dartma batareyasının tutumu 12,4-dən 17,2 kilovat/saata qədər artırılıb, bunun sayəsində elektrik rejimindəki hərəkət məsafəsi 57-dən 83 kilometrə (WLTP dövrünə uyğun olaraq) qədər artıb.
Təkmilləşdirilmiş hibrid hetçbek cəmi 4 kiloqram (1682 kiloqram) ağırlaşıb. Bununla belə, bütün bu dəyişikliklər dinamik xüsusiyyətlərə təsir etməyib: hetçbek 100 km/saata 7,6, universal isə, 7,7 saniyəyə sürətlənir. Maksimal sürət 225 km/saatdır.
Yeddi pilləli "robot", daha güclü elektrik mühərriki (125 at qüvvəsi) və daha böyük batareya indi Opel Astra GSe hibrid üst versiyasında da quraşdırılır. Lakin sistemin pik gücü (225 at qüvvəsi), eləcə də avtomobilin dinamik xüsusiyyətləri dəyişməyib: 100 km/saata sürətlənmə 7,5 saniyə çəkir, maksimal sürət isə, 235 km/saatdır (hetçbek).
Opel təkmilləşdirilmiş plagin hibridlərin qiymətlərini qaldırmayıb: hetçbekin qiyməti 38 460, universalın isə, 39 960 avrodan başlayır. Bununla belə, belə səxavətli jest çətin ki, Astra modelini satışların liderinə çevirsin, çünki hazırda Avropa bazarı üçün belə bu model çox bahalıdır. Məsələn, bu ilin ilk altı ayında ucuz və yığcam Dacia Sandero (128 842) modeli Avropa bazarındakı liderliyini möhkəm saxlayır. Onu B sinifinin daha iki əlçatan nümayəndəsi - Renault Clio (122 489) və Peugeot 208 (109 146) təqib edir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
