Yeni Opel konsepti brendin növbəti modellərinin necə görünəcəyini göstərəcək. Payızda Münhendə keçiriləcək IAA Mobility sərgisində şirkət avtomobil gələcəyinə baxışı olan Experimental prototipini təqdim edəcəkdir. Avtomobilin hansı seqmentə aid olacağı hələlik məlum deyil, lakin o, yeni loqotipi alan ilk avtomobil olacaqdır. Yeni loqotipin seriya avtomobillərdə gələn ilk tətbiq ediləcəyi gözlənilir.
Almanlar ilk dəfə GT X Experimental konseptində sınaqdan keçirilmiş Bold və Pure fəlsəfənin (səlisilik və saflıq) sonrakı inkişafını orada göstərməyə söz verirlər. Onun üç dayağı var - Detox, Modern German və Greenovation.
Yenilik tarixi 1965-ci ilin Experimental GT konseptindən başlayan qabaqcıl konseptlər xəttini davam etdirəcəkdir. İdman avtomobili Coke Bottle Shape üslubunda hazırlanmışdı, yəni profildə klassik Coca-Cola şüşəsinin konturlarını təkrarlayırdı.
Experimental GT seriyaya gedən ilk Avropa prototipi olub. Opel GT modeli 1968-1973-cü illərdə buraxılıb və iki mühərriklə - 1.1 və 1.9 litrlik mühərrik, habelə iki transmissiya – 4-pilləli mexaniki və ya 3-pilləli avtomatik ötürmələr qutusu ilə təchiz edilirdi.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
