Opel şirkəti tam elektrikləşdirmə planının həyata keçirilməsinə doğru irəliləyir. Ötən il, 2024-cü ilə qədər Opel markasının bütün modellərinin hibrid güc qurğularını alacağı, 2028-ci ilə qədər isə, Avropa bazarında yalnız 800 kilometrə qədər yürüş məsafəsinə olan “akkumulyatorlu” avtomobillərin satılacağı bildirilmişdi. İndi şirkət növbəti elektrik yenilikləri haqqında təfərrüatları açıqlayıb: bunlar Astra, Insignia, Crossland və Manta modelləri olacaqlar.
![](https://autograph.az/../images/116280_src.jpeg)
Elektrik ötürməsinə keçidi xarakterizə edən “e” prefiksini alan ilk Opel modeli Astra olacaqdır. Astra-e 2023-cü ildə işıq üzü görəcək, eyni zamanda, hetçbek və universal kuzovu ilə təklif ediləcəkdir. Onun ardınca indiki Crossland və Insignia modellərinin varisləri debüt edəcəklər - təsdiqlənməmiş məlumatlara görə, hər iki elektromobil 2025-ci ildə qədər bazara çıxmalıdırlar. Bundan başqa, üçüncü nəsil Insignia modeli form-faktorunu dəyişərək krossvenə çevriləcək, sırf elektrik versiyası ilə yanaşı, hibrid versiyasını da alacaqdır.
![](https://autograph.az/../images/116281_src.jpeg)
Sıfır emissiyalı növbəti yenilik bu onilliyin ortalarında debüt edəcək Manta-e modeli olacaqdır. Keçən əsrin 70-ci illərində istehsal edilmiş idman kupesinin əvəzinə klassik kupeyə bənzəyən dördqapılı krossover buraxılacaqdır. Çox güman ki, bu yenilik yeni Stellantis STLA elektrik platformasında inşa edilən ilk avtomobillərdən biri olacaqdır.
![](https://autograph.az/../images/116282_src.jpeg)
Bütün yeni modelləri akkumulyatorlarla təmin etmək üçün Opel öz təchizatçısına malik olacaqdır. Bu, Almaniyanın Kayzerslautern şəhərindəki zavodu idarə edən, Stellantis, Opel, Total/Saft və Mercedes-Benz şirkətlərinin birgə müəssisəsi olan Automotive Cells Company (ACC) şirkətidir. Tədarüklərin başlanacağı 2025-ci ilə qədər müəssisənin istehsal gücünün ildə 32 gigavat-saata çatdırılması planlaşdırılır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.