Üçüncü nəsil Peugeot 308 ailəsinin debütündən dörd il keçir, odur ki, hər bir modelin həyat dövrünün ortasında məruz qaldığı restaylinqin tam vaxtıdır. Ən başlıcası isə, yenilənmənin gətirdiyi əsas şey Peugeot markasının yeni korporativ üslubuna daha uyğun gələn fərqli bir üzdür.
Gündüz hərəkət işıqlarının böyük “köpək dişləri” keçmişdə qalıb. Yenilənmiş avtomobil gündüz hərəkət işıqlarının "caynaq izlərinə" bənzəyən üçlü zolaqlarını və eyni üslubda hazırlanmış çərçivəsiz radiator barmaqlığını alıb.
Faralar aşağı endirilib və yeni bamperdəki hava girişləri sayəsində məharətlə gizlədilib. Bununla belə, təkər tağlarının içərisinə aparan real hava kanalları da var. Peugeot avtomobillərində ilk dəfə olaraq, burundakı firma loqotipi işıqlandırma ilə təchiz edilib və onun arxasında kruiz-kontrolun radarı yerləşdirilib.
Arxa hissədəki dəyişikliklər daha azdır. Faralardakı üçlü "caynaq izləri" indi istisnasız olaraq bütün versiyaların təchizatına daxil edilib (əvvəllər bu, bahalı variantların əlaməti idi), bamperdəki xrom örtmələr isə, yoxa çıxıblar. Kuzov rənglərinin palitrası Lagoa mavisi ilə tamamlanıb, 17 və ya 18 düymlük təkər diskləri yeni tərtibat variantlarında təklif edilirlər.
Eksteryerlə müqayisədə interyerdəki yenilənmələr cüzi xarakterə malikdirlər. Cihazlar panelinin yuxarı qaldırılmış ekranı və media sisteminin mərkəzi konsola inteqrasiya olunmuş 10 düymlük displeyini ehtiva edən i-Cockpit panelinin firma arxitekturası qorunub saxlanılıb.
Ancaq 3D qrafikalı yenidən işlənmiş interfeys peyda olub və o, yalnız ən zəngin GT versiyası üçün standart avadanlıqdır. Belə versiya həmçinin alcantara ilə tərtibat, fərdiləşdirilə bilən kontur işıqlandırması, hava keyfiyyətinə nəzarət sistemi və premium Focal audio sistemi (690 vatt, 10 dinamik, 12 kanallı gücləndirmə) ilə öyünə bilər.
Universalın hibrid versiyaları baqaj bölməsinin iki səviyyəli döşəməsini əldə edib, bölmənin həcmi isə, 548-dən 598 litrə qədər artırılıb. Bununla belə, yanacaqlı modifikasiyalar daha tutumludurlar - 608 litr.
Yenilənmiş Peugeot 308 təkmilləşdirilmiş elektrik avadanlığını əldə edib. Məsələn, 1,6-litrlik turbomühərrikə (150 at qüvvəli) əsaslanan plagin hibriddə səkkiz pilləli “avtomat” yeddi pilləli preselektiv “robot” ilə əvəz edilib, elektrik mühərrikinin gücü isə, 110-dan 125 at qüvvəsinə qədər artırılıb.
Nəticədə sistemin maksimal gücü 180-dən 195 at qüvvəsinə yüksəlib. Dartma batareyasının tutumu da 12,4-dən 17,2 kilovat/saatadək artırılıb ki, bu da əlavə elektrik ötürməsi ilə əlavə 20 kilometr gediş məsafəsini (hazırda 85 kilometr) təmin edib.
Hibridin 225 at qüvvəli daha güclü versiyası modifikasiya çeşidindən keçən il çıxarılıb. Peugeot E-308 elektromobili indi 55,4 kilovat/saatlıq batareya (əvvəllər 51 kilovat/saat) və ön oxdakı daha güclü elektrik mühərriki (156 at qüvvəsi və 260 Nm (+10 Nm)) ilə təchiz edilir. Nəticə etibarı rekuperasiya gücləndirilib, elektromobilin mənzili isə, 408-dən 450 kilometrə qədər artırılıb.
1.2 Puretech “turboüçlüyü” (145 at qüvvəli) və 6-pilləli preselektiv "robota" quraşdırılmış elektrik mühərriki olan adi hibrid dəyişməyib. Nəhayət, qənaəti sevənlər üçün xoş sürpriz klassik səkkiz pilləli “avtomat” ilə tandemdə çalışan 1,5-litrlik turbodizelin (130 at qüvvəli) saxlanması olub. Qeyd etmək gərəkdir ki, 2024-cü ildən Peugeot 308 modelində bəri mexaniki transmissiyalar quraşdırılmır.
Yenilənmiş Peugeot 308 ailəsinin Avropadakı satışlarının başlanması cari ilin payızna planlaşdırılıb. Qiymətlər satışların başlanması zamanı açıqlanacaq. Peugeot 308 ailəsinin Fransanın şərqindəki Myuluz şəhərindəki tarixi zavodda istehsal olunması ilə xüsusilə fəxr edir: istehsalın başqa yerə köçürülməsi planları yoxdur.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
