Polestar şirkəti gələcək 5 modelinin bəzi xüsusiyyətlərini açıqlayıb. Elektrokarın prototipi bu gün Qudvudda işinə başlamış Sürət Festivalında nümayiş etdirilib.
Polestar 5 modelinin seriya versiyası ikinci nəsil Scalable Platform Architecture platformasında inşa olunacaqdır. Bu platforma Polestar 3 və Volvo Embla krossoverlərinin də əsasını təşkil edəcəkdir. Yapışdırılmış alüminium şassi firma idarəetmə xüsusiyyətlərini təmin edəcəkdir.
Ən əsası isə, Polestar 5 modeli 800 voltluq elektrik arxitekturası olan yeni güc qurğusunu alacaqdır. İki elektrik mühərriki (hər bir oxda biri) ümumilikdə 884 at qüvvəsi və 900 Nm fırlanma anı hasil edəcək. Buna görə də, Polestar 5 modeli İsveç-Çin markasının model çeşidindəki ən güclü avtomobil olacaqdır.
Polestar 5 modeli 2024-cü ildə, Polestar 3 və Polestar 4 krossoverlərindən sonra satışa çıxacaqdır.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
