Müəllif Porsche şirkəti rəsmi olaraq unikal 911 Turbo S Exclusive Series kupesini təqdim etmişdir. Xüsusi seriyadan olan kupe 500 nüsxədən ibarət məhdud sayda tirajla buraxılacaqdır.
Nadir kupe qızılı-sarı metallik rəngli kuzova malikdir. Avtomobilin kapotuna və damlna karbonu xatırladan zolaqlar həkk edilmişdir. Kupe Golden Yellow aksentlərinə malik olan 20-düymlük təkər diskləri ilə təchiz edilmişdir.Sportkarın salonunda geniş tənzimləmələrə malik olan idman oturacaqları quraşdırılmışdır.
İnteryerin tərtibatında perforasiyalı dəridən, alkantara və karbondan istifadə edilmişdir. Porsche 911 Turbo S Exclusive Series sportkarı 606 at qüvvəsi və 750 Nm fırlanma anı hasil edən 3,6-litrlik altı silindrli mühərriklə təchiz edilir. yerindən 100 km/saat həddinə sportkar 2,9 saniyəyə sürətlənir. Onun maksimal sürəti elektronika tərəfindən 330 km/saat həddində məhdudlaşdırılmışdır.
Bununla belə, alman istehsalçısı xüsusi seriyadan olan sportkarın qiymətini açıqlamamışdır. Şirkətdən bu avtomobilin modelin tarixində olan ən güclü və unikal sportkar olduğu bildirilmişdir.
