Scuderia Cameron Glickenhaus (SCG) şirkəti kinoprodüser və maliyyəçi Ceyms Qlikenhaus tərəfindən 2004-cü ildə təsis edilib. Şirkət əvvəlcə yarış marafonları üçün prototiplərin yaradılması üzrə ixtisaslaşıb, lakin kifayət qədər tez bir vaxtda onun çeşidində kiçik miqyaslı tirajla buraxılan yol superkarları, sonra isə, yolsuzluq avtomobilləri peyda olub.
SCG 004 superkarı ilk dəfə 2017-ci ildə nümayiş etdirilib və onun kiçik miqyaslı istehsalı isə, 2020-ci ildə başlamalı idi, lakin sonradan layihə dayandırılıb və onu həyata keçirmək yalnız indi mümkün olub.
İstehsalçı SCG 004 kupesinin konstruksiyasının Nürburqrinqdə yarandığını iddia edir və buna görə də aerodinamik işləmlərə xüsusi diqqət yetirilib. Antiqanadlar zərif şəkildə burundakı hava yönləndiricilərinə və arxa tərəfdə quraşdırılıblar ki, onlar da avtomobilin siluetini xətər yetirmirlər.
Kuzov və şassi karbonplastikdən hazırlanıb. Standart SCG 004S (Stradale sözündən) versiyası ilə yanaşı, daha da inkişaf etmiş kuzov dəsti, o cümlədən iri splitteri olan ekstremal 004CS (Competizione Stradale) versiyası da debüt edib.
Məlum məsələdir ki, yoldakı maneələri qət etmək üçün, ön asqı qaldırıcı mexanizmlə təchiz edilib. CS versiyasının digər xüsusiyyətlərinə Michelin Pilot Sport Cup 2 şinləri taxılmış mərkəzi qaykalı təkər diskləri daxildir. Superkarın baza versiyası isə, Michelin Pilot Sport 4S şinləri taxılmış OZ şirkətinin döymə təkər diskləri ilə təchiz edilir.
Sürücü oturacağı üç nəfərlik salonun mərkəzində quraşdırılıb. Superkarın salonu heç də asketik deyil və sahibini klimat-kontrol, “kəpənək” qapıları, şüşə və Sabelt mərkəzi oturacağının elektrik ötürməsi ilə sevindirə bilər.
Arxa görüntü kamerasını, Apple CarPlay və Android Auto protokollarını dəstəkləyən media sistemi də mövcuddur. USB portları və Bluetooth dinamikləri də nəzərdə tutulub. Əlbəttə ki, alıcı öz zövqünə uyğun olan daxili tərtibatı seçə biləcək.
Baza daxilində, oturacaqların arxasında, GM konserninin ötürməli kompressoru olan 6,2-litrlik V8 mühərriki yerləşir. Hər iki yol versiyasında o, 660 at qüvvəsinə malikdir, baxmayaraq ki, əvvəlcə CS modifikasiyası üçün gücün artırılacağı gözlənilirdi.
Altı pilləli mexaniki Graziano transmissiyası bütün gücü arxa oxa göndərir. Belə xarakteristika təxmini çəkisi 1200 kiloqramdan az olan kupe üçün kifayət qədərdir, lakin dəqiq dinamik xüsusiyyətlər hələlik açıqlanmayıb. Avtomatik ötürmələr qutusu və elektrik üstqurumu da yoxdur.
İlk kommersiya avtomobilləri 2025-ci ilin birinci rübündə müştərilərə təhvil veriləcək. Bundan əlavə, Qlikenhaus, geniş fərdiləşdirmə imkanları təklif edən xüsusi Founer versiyasını da nəzərdə tutub. Yekun qiymətlər açıqlanmayıb, lakin hətta 7 il əvvəl, 004 modelinin ilk təqdimatı zamanı şirkət kupenin qiymətinin 400 min dollardan başlayacağını bildirsə də, 2020-ci ildə onun 460 min dollara satılacağını bildirmişdi.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
