Skoda Rapid Spaceback modelini əvəz edəcək yeni hetçbek Scala adına sahib olacaqdır. Latıncadan tərcümədə bu söz "nərdivan" anlamına gəlir. İstehsalçının düşüncəsinə görə, qolf-sinifinə aid olan model brendi yeni yüksəkliyə qaldıracaqdır.
"Yeni Skoda Scala modeli ilə biz yığcam-sinifin tarixində növbəti səhifəni açacağıq, - çex markasının direktorlar şurasının sədri Bernhard Mayer söyləyib. - Bu, texnologiyanın, təhlükəsizlik və dizaynın yeni standartlarını müəyyən edən yeni işləmdir".
Yeni hetçbek Skoda şirkətinin A0 MQB platformasının uzadılmış variantında inşa edilən ilk modeli olacaqdır. Bu platformadan Volkswagen Polo, T-Cross və Seat Arona modelləri inşa edilibdir. Bundan başqa, Scala baqaj qapağında markanın loqotipi əvəzinə adı yazılmış ilk avropa modeli olacaqdır.
Skoda Scala hetçbekinin dizaynı Paris avtosalonunda göstərilmiş Vision RS konsepti vasitəsi ilə nümayiş etdirilib. Seriya modeli ümumi konsepsiyanı qoruyub saxlayacaqdır: hetçbek konseptin fənərlərinə, radiator barmaqlarına və ön bamperin elementlərinə bənzər olan tərtibata malik olacaqdır. Hetçbekin mühərrik çeşidinə 1,0 və 1,5-litrlik benzin turbomühərrikləri daxil ediləcəkdir.
