Müəllif Skoda şirkəti Vision X konseptual krossoverini təqdim edib. Dünyəvi təqdimatı bu gün işinə başlayacaq Cenevrə avtosalonunda keçiriləcək krossover təbii qazla işləyən güc qurğusuna malik olub.
Konseptin qabarit uzunluğu 4250 millimetr, eni - 1800 millimetr, hündürlüyü - 1500 millimetr, təkər bazasının uzunluğu isə 2645 millimetrdir. Beləliklə, konsept onunla eyni platformada inşa edilən Volkswagen T-Roc krossoverindən 16 millimetr uzun və 19 millimetr ensizdir. Konseptin təkər bazası alman krossoverində olduğundan 55 millimetr genişdir.
Skoda Vision X modelinin güc aqreqatı Volkswagen qrupunun 1,5-litrlik turbomühərrikindən və iki elektromotordan ibarət olacaqdır. Daxili yanacaq mühərriki 130 at qüvvəsinə və 250 Nm fırlanma anına malikdir. Elektromotorlardan biri mühərriklə birləşdirilib, digəri isə arxa oxda yerləşdirilib. Sonuncu elektromotor krossoveri tam çəkiş sistemi ilə təmin edir.
Elektrik mühərrikinin arxada yerləşdirilməsi sayəsində konsept kardan valı olmayan tam çəkiş sisteminə sahib olub. Valdan imtina edilməsi avtomobilin çəkisini ciddi şəkildə azaldıb. Gərək olduqda Skoda Vision X öndən, tam və arxadan çəkişli ola bilər. Sıxılmış qaz üçün çənlər ikinci cərgənin altında və arxa oxdan sonra yerləşdirilib. Elektrik mühərriklərinin işləməsini təmin edən batareyalar avtomobilin şassisinin mərkəzində yerləşdiriliblər. Batareyaları hərəkət zamanı rekuperasiya sisteminin hesabına doldurmaq olar.
Yerindən 100 km/saat sürətini konsept 9,3 saniyəyə toplayır. Hibrid krossoverin maksimal sürəti 200 km/saatdır. Avtomobilin yürüş ehtiyatı 650 kilometrə bərabərdir. Elektrik ötürməsi ilə avtomobil 2 kilometr qət edir.
