Toyota şirkəti FJ Cruiser modelinin ideoloji varisi ola biləcək retro üslublu ofrouderin istehsalından imtina etmir. Ancaq belə bir ofrouderin yaradılması kiçik ölçülü ramalı ofrouderlərin əsas bazarlardakı populyarlığından asılıdır.
"CarBuzz" nəşrinə verdiyi müsahibədə Toyota şirkətinin yük avtomobilləri xəttinin inkişafı üzrə məsul olan baş mühəndisi Şeldon Braun, 4Runner ofrouderinin platformasında inşa ediləcək FJ Cruiser konsepsiyasının ona çox yaxın olduğunu, lakin yapon şirkətinin diqqətini 4Runner, Sequoia, Tundra və Tacoma kimi ənənəvi modellərin istehsalı üzərində cəmləyəcəyini bildirib.
Eyni zamanda, Braun, Toyota şirkətinin FJ Cruiser modelinin varisi üçün potensial rəqib olan yeni Ford Bronco modelinin bazar uğurlarını yaxından izləyəcəyini qeyd edib. Toyota şirkətinin marketinq şöbəsi orta ölçülü ramalı ofrouderlər seqmentini perspektivli hesab edərsə, yapon şirkəti belə bir modeli buraxacaqdır.
Toyota şirkətinin yeni modellərinin debüt cədvəli təsdiqlənərsə, 2021-ci ilin sonunda TNGA-F "yük" modul platformasında hazırlanmış ilk ramalı model seriyaya gedəcəkdir. Bu andan etibarən, yapon şirkəti zəruri hallarda müxtəlif ölçüləri və forma faktoru olan ramalı modellərini "tirajlaya" bilər.
Bununla birlikdə, avtomobil satışlarındakı ümumi azalma fonunda, Toyota kommersiya uğurundan arxayın olmadığı yeni modeli buraxmayacaqdır. Yolsuzluq xəttinin mövqe dəyişdirməsi variantı da istisna edilmir: Land Cruiser Prado ramasını itirə və CVT ilə təchiz edilmiş krossoverə çevrilə bilər. Bəzi bazarlarda isə, lazım gələrsə onun yerini FJ Cruiser modelinin varisi tuta bilər.
