Tesla şirkətinin rəsmi saytında kütləvi istehsala hazır olan Semi yük avtomobilinin salonunun əks etdirildiyi videogörüntülər yayımlanıb. Kabinənin əsas xüsusiyyəti ortada quraşdırılmış sürücü oturacağıdır. Yük avtomobili 3 və Model Y elektrokarlarında götürülmüş sükan çarxının hər iki tərəfində genişformatlı ekranlar yerləşir. Bu displeylərdə xarici kameralardan alınan görüntülər göstərilir. Sürücünün sağ tərəfində iki stəkanaltını da görmək olar.
Qeyd etmək lazımdır ki, Semi yük avtomobilində sükan üzərində və arxasında görünən fiziki düymələr və dəstəklər yoxdur (lakin sensorlu düymələri var). Hələlik şüşəsilənlərin, səs siqnalının və dönmə işıqlarının necə işə salındığı aydın deyil. Eyni zamanda, qadcetləri birləşdirmək üçün bir neçə çıxış var.
Xatırladaq ki, Semi yük avtomobilinin ilk debütü 2017-ci ildə baş tutub. Əvvəlcə elektrik yük avtomobillərinin istehsalına 2019-cu ildə başlamaq planlaşdırılırdı, bir neçə təxirə salınmadan sonra, istehsal prosesinə 2023-cü ildə start veriləcəyi bildirilib.
Qeyri-rəsmi məlumatlara görə, yük avtomobili hasilatı məlum olmayan dörd mühərrikli elektrik güc qurğusu ilə hərəkətə gələcəkdir. Dolu batareya ilə Semi 1000 kilometr məsafə qət edə biləcəkdir - ən azından İlon Mask belə bir göstəricini əldə etmək niyyətində olduğunu açıqlayıb. Yük avtomobilinin maksimal yükgötürmə qabiliyyəti 36 ton olmalıdır.
İlkin sürət xüsusiyyətləri də açıqlanıb: yerindən 60 mil/saay (97 km/saat) həddinə boş elektrik yük avtomobili təxminən beş saniyəyə sürətlənəcək, yarımqoşqu və tam yüklə isə, sürətlənmə təxminən 20 saniyə çəkəcəkdir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
