ABŞ-da keçirilən tədbirdə Tesla şirkəti özünün yeni məhsulunu – Cybertruck pikapından ilhamlanan dizayna malik olan tam avtonom elektromobilini – Cybercab robotaksisini nümayiş etdirib. Elektrokar sükanı və pedalları olmayan iki nəfərlik salona malikdir.
Onun İstehsalına 2027-ci ildən əvvəl başlamalıdır. Öz növbəsində, Tesla şirkətinin rəhbəri İlon Musk bunun nikbin proqnoz olduğunu da qeyd etməkdən çəkinməyib. O, həmçinin Cybercab modelinin humanist qiymətə malik olacağını vəd edib - 30 min dollara qədər.
Kənardan, Cybercab bucaqlı Cybertruck və digər Tesla modelləri arasındakı həlqə kimi görünür. Onun xüsusiyyətləri arasında ön tərəfin eni boyunca uzanan LED zolaq, kəpənək qanadları formasında qapılar, qapaqlı təkərlər və nəhəng baqaj var. Bundan əlavə, prototipdə yan güzgülər yoxdur, yalnız qanadlardakı kiçik kameralar var.
İnteryer idarəetmə orqanlarının yoxluğu səbəbindən adi hala nisbətən daha minimalist olub. Salonda kiçik dirsəkaltısı olan iki nəfərlik otucaq və stəkanlar, habelə media sisteminin Model 3 və ya Model Y modellərindən götürülmüş displeyi var.
Hələlik Tesla robotaksisinin texniki hissəsi ilə bağlı heç bir təfərrüat açıqlamayıb. Amma söz verib ki, hər kəs belə bir avtomobili ala biləcək. Bu, yəqin ki, tezliklə baş verməyəcək, çünki Tesla şirkətinin iddialı layihələri konveyerə gedən yolda daim ləngiyirlər. Bundan əlavə, Tesla autopilotunu "təhlükəli" adlandıran tənzimləyicilərlə ciddi iş tələb olunacaq.
Cybercab ilə yanaşı, daha bir yenilik nümayiş etdirilib: avtonom Robovan avtobusu. O, 20-yə qədər sərnişini qəbul edə və ya yük daşımaq üçün istifadə oluna bilər. Təqdimat zamanı əsas diqqət eksteryer və interyerin (həmçinin sükan və pedallar olmayan) futuristik tərtibatına yönəldilib, lakin onun “içalatı” barədə məlumat verilməyib.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
