Toyota şirkəti Yaponiya bazarında satılan Camry sedanının xüsusi Black Edition versiyasını təqdim etdi. Xüsusi versiya Celica kupesinə əsaslanan Toyota Celica Camry modelinin buraxılmasının 40 illiyinə həsr edilmişdir.
"Yubiley" seriyasından olan Camry sedanı WS top modifikasiyasının əsasında hazırlanıb. Qara seriyadan olan sedan adi modeldən qara rəngli damı, xüsusi dekoru və daha yüksək keyfiyyətli interyer tərtibatı ilə fərqlənir.
Üç kuzov rəngi mövcuddur: qara Preciuos Black Pearl, ağ Platinum White Pearl Mica və qırmızı Emotional Red II. Sedan 18-düymlük qara təkər disklərinə, tündləşdirilmiş optika və radiator barmaqlığına sahib olub.
Standart olaraq, Camry Black Edition modelinin interyeri tərtibatında qırmızı dəridən istifadə olunur: oturacaqlar, ön panel, mərkəzi dirsəkaltı və qapı kartları qırmızı dəri ilə üzlənirlər. Müştəri tamamilə qara dəri ilə üzlənmiş salonu da sifariş edə bilər. Ön oturacaqlar qızdırılır və elektriklə tənzimlənir.
Xüsusi versiyanın buraxılması ilə birlikdə, Toyota şirkəti standart sürücü köməkçiləri xəttinin genişlənməsini həyata keçirib: indi Yaponiyada satılan bütün Camry modelləri kor zonalara nəzarət sistemi və sürücünün görmə bucağından kənar obyektləri aşkarlayan Intelligent Clearance Sdirilonar park köməkçisi ilə təchiz edilirlər.
Yaponiyada satılan Toyota Camry Black Edition modeli 2,5-litrlik atmosfer mühərrikinin əsasında yaradılan 178 at qüvvəli hibrid güc qurğusu ilə təklif olunur. Xüsusi buraxılışdan olan ön ötürməli sedanın qiyməti 4,208.000 yendən və tam ötürməli model üçün isə 4.406.000 yendən başlayır.
