Toyota şirkəti lüks ofrouderin yeni tizerini dərc edib. Century ailəsinə qoşulacaq modelin təqdimatı sabah keçiriləcək. Yeni modelə marağı artırmaq üçün yapon avtomobil istehsalçısı tizer kampaniyasını davam etdirir: bu dəfə dərc olunmuş tizerdə avtomobilin ön optikası, üçölçülü naxışı olan radiator barmaqlığının bir hissəsi və Century emblemi əks olunub.
![](https://autograph.az/../images/135805_src.jpg)
Bu, gələcək lüks ofrouderin üçüncü rəsmi tizeridir. İlk tizer iyunun sonunda göstərilib – o zaman, ofrouderin konturlarını qaranlıq fonda göstərmişdilər. İkinci tizerdə isə, arxa fənərlərin bir hissəsi və arxa qapını açan ağ əlcəkli sürücü təsvir olunmuşdu. Bu tizer modelin mövqeləndirilməsinə işarə edir: bu, sürücü tərəfindən idarə olunan nümayəndəlik avtomobildir və onun sahibi arxa oturacaqda əyləşir.
![](https://autograph.az/../images/135806_src.jpg)
İndi isə, ön optikanın dizaynını nümayiş etdirilib: əsas blok gövdə rəngində zolaqla ayrılan dörd elementdən ibarətdir. Radiator barmaqlığı düzbucaqlı formaya və qeyri-adi qara haşiyəyə malikdir. Century emblemi mərkəzdə yerləşir, bu isə, ofrouderin həqiqətən də Century ailəsinin bir hissəsi olacağına işarə edir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.