Kaliforniyada keçirilmiş zəriflik müsabiqəsində Classic Motor Cars (CMC) şirkəti tərəfindən bərpa edilmiş 1954-cü ilin istehsalı olan nadir Jaguar XK120 SE modeli nümayiş etdirilib.

Avtomobil üzərində çalışmalar xüsusi gizlikliklə aparılmış və iki il vaxt tələb etmişdir. 

Layihəyə CMC atelyesinin 13 mütəxəssisi cılb olunub.  Əvvəllər atelye avtomobil üzərində işləri müəyyən mərhələlərdə nümayiş etdirsə də, lakin onun hazır varinatı kütlə qarşısına çıxarılmayıb.

Jaguar şirkəti XK120 SE modelini 1948-ci ildən 1954-cü ilə qədər istehsal edib. Avtomobil rodster, kabriolet və kupe kuzovları ilə təklif edilirdi.

Model 3,4-litrlik altısilindrli mühərriklə hərəkətə gəlirdi. Onun maksimal sürəti 200 km/saat təşkil edirmiş. 

Jaguar XK120 Se modelinin ümumi buraxılışı 12 mindən bir qədər artıq olub. Bununla belə, bərpa edilmiş avtomobil Pininfarina atelyesinin buraxdığı kuzova malik olan yeganə nüsxədir.

Avtomobil, 1950-ci illərdə lyuks avtomobillərin Avropadan ABŞ-a idxalı ilə məşğul olan Avstriya mənşəli amerikan iş adamı tərəfindən satın alınmışdır. Unikal Jaguar modeli 1955-ci ildə Cenevrə avtosalonunda nümayiş etdirilib. CMC atelyesi avtomobili, 1978-ci ildə Amerikada onu satın almış almandan alıb.

Avtomobilin alman sahibi onu bərpa etmək istəsə də, buna imkan tapmayıb. 

Əvvəlki xəbər

Növbəti xəbər

#XƏBƏR