Müəllif Volkswagen şirkəti Avropa patent bürosunda xüsusi sensor panelini qeydiyyata almışdır. Bu panel vasitəsi ilə sürücü avtopilotu idarə etmək imkanına malik olacaqdır. Alman şirkəti tərəfindən ərizə büroya keçən il təqdim edilsə də, bu məlumat KİV-lərin diqqətini indi cəlb etmişdir.
Patentdə sürətlər qutusunun dəstəyində yerləşdirilmiş taçpad təsvir edilmişdir. Alman istehsalçısının mütəxəssisləri bu panel sayəsində sürücünün avtopilotun ismarıclarına daha tez diqqət yetirəcəyindən əmindirlər. Bununla belə, gəlıəcəkdə bu paneli salonun istənilən yerində quraşdırmaq da mümkündür. Söylənilənlərə görə, avtopilot əvvəllcədən sürücünü yollardakı vəziyyət haqqında xəbərdar edərək, bir neçə həll yolu təklif edəcəkdir. Sürücü taçpad vasitəsi ilə onlardan birini seçməlidir. Misal üçün, qarıda gedən avtomobili aşkar edən sistem sürücüyə onu ötməyi və yaxud zolaqda qalmağı təklif edəcəkdir. Zolaqda qalmaq üçün sadəcə barmağı taçpad üzərində irəli hərəkət etdirmək kifayət edəcəkdir. Ötmə üçün isə, barmağı yana sürüşdürmək lazım olacaqdır.
Eyni zamanda alman şirkəti yumşaq tavanı olan krossoverin də patentlərini təsdiq etmişdir. Yeni krossover MQB platformasında yığılacaq və Polo ailəsinin tərkib hissəsi olmalıdır. Xatırladaq ki,bu ilin mart ayında belə bir krossoverin prototipi Cenevrə avtosalonunda nümayiş etdirilmişdir. T-Cross Breeze adını almış konsept 110 at qüvvəsi və 175 Nm fırlanma anı olan 1,0-litrlik turbomühərrik və yeddi pilləli iki muftalı “robotla” təchiz edilmişdir.
