Volvo Cars şirkəti batareya idarəetmə proqramı OPPO smartfonlarında istifadə olunan Breathe Battery Technology startapına investisiya qoyduğunu və onunla kommersiya tərəfdaşlığına başladığını elan edib. Breathe alqoritmləri fiziki prinsiplərə əsaslanır və tapşırıqdan asılı olaraq ya batareyanın ömrünü uzada, ya da digər parametrlərə təsir etmədən doldurma prosesini sürətləndirə bilər.
Proqram istənilən daxili kimya ilə işləyir. Proqram təminatı, batareyanın idarəetmə sisteminə asanlıqla inteqrasiya olunan əvvəlcədən tərtib edilmiş kitabxana şəklində təqdim edilir.
Üstqurum, şarj cərəyanını real vaxt rejimində izləyərək, hüceyrələrin vəziyyətinə dinamik şəkildə uyğunlaşır, şarj müddətini azaldır və eyni zamanda litiumun metallaşması riskini, yəni qısaqapanmaya səbəb ola biləcək keçirici sahələrin əmələ gəlməsinin qarşısını alır.
Daxili sınaqlara əsasən, Breath Charger texnologiyasını almış 48-voltluq VARTA EasyBlade batareyası 50 faizə qədər, bu texnologiya olmayan batareyaya nisbətən 1,5 dəfə daha sürətlə doldurulur.
Məhz bu proqram gələcək nəsil Volvo elektromobillərində peyda olacaq. Güman edilir ki, onunla 10-dan 80%-ə qədər doldurulma 15-30% daha az vaxt aparacaq, üstəlik, artan sürət batareyanın bütün ömrü boyu əlçatan olacaq.
Bu, Volvo şirkətinin öz avtomobillərində istifadə etməyi planlaşdırdığı StoreDot firmasının XFC ultrasürətli enerji doldurma texnologiyası ilə birlikdə isveçlilərə ciddi rəqabət üstünlüyü verə bilər.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
