Bentley şirkəti yeni Continental GT Speed modelinin növbəti tizerini dərc edib. Qran-turer ilk dəfə V8 mühərrikinə əsaslanan hibrid güc qurğusunu alacaq və Britaniya brendinin tarixindəki ən güclü avtomobil olacaq. Bəyan edilən hasilat 782 at qüvvəsi və 1000 Nm fırlanma anı təşkil edir ki, bu da 6,0-litrlik W12 biturbo mühərriki olan məhdud buraxılışlı Bentley Batur Convertible rodsterində olduğundan çoxdur.
Yeni güc qurğusu Bentley avtomobilinə planetin ən uzun sualtı tunelində - Norveçdəki Ryfylketunnelen tunelində 335 km/saata sürətlənməyə və Britaniya brendinə qeyri-rəsmi “sualtı sürət rekorduna” imza atmağa imkan verib. Rekord gedişinin təfərrüatları premyera günü, iyunun 25-də açıqlanacaq, lakin hələlik şirkət əvvəllər dediklərini təsdiqləyir.
Məsələn, yeni Continental GT Speed təkmilləşdirilmiş şassi texnologiyasını - elektromexaniki stabilizatorlardan və arxa təkərləri döndərmə mexanizmdən tutmuş elektron kilidləməli differensiala və iki klapanlı amortizatorlara qədər əldə edəcək.
Elektrik dartması ilə hibrid qran-turer 80 kilometr məsafə qət edə biləcək. Ümumilikdə dizayn dəyişməyəcək, lakin ğn fənərlər kimi bəzi elementlər avtomobili hərəkət axınında ayırd etməyə imkan verəcək.
@ Bütün hüquqlar Autograph.az saytına məxsusdur. Məqalədən istifadə zamanı sayta istinad etmək mütləqdir.
