İtalyan şirkət qısa olsa da, yeni nəsil Lancia Ypsilon modelinin alacağı qabaqcıl S.A.L.A. sistemi haqqında danışıb. Bu sistem klimat-kontrol, musiqi və fon işıqlandırmasının işinə cavabdeh olacaq. Yeni multimedia sistemi iki displeyi və vidcetlərə əsaslanan interfeysi alacaq. İtalyanlar bu sistemlə qarşılıqlı əlaqəni mümkün qədər sadə və intuitiv etməyə söz veriblər - sanki bu, smartfon və ya ağıllı evi idarə etmək üçün bir paneldir.
Lancia markanın Stellantis konserninin qanadı altına keçməsindən sonra, buraxılacaq ilk model olan yeni Ypsilon hetçbekinin növbəti tizeri dərc edilib. Yeni hetçbek Peugeot 208 və Opel Corsa ilə ümumi platformada qurulacaq və əsaslı şəkildə fərqlənən interyer dizaynı və arxitekturasını alacaq.
Yeni Ypsilon modelinin interyerindəki ən başlıca element “tavolino” (italyancadan tərcümədə - kiçik masa) adlanan yarımdairəvi platformadır. İtalyanlar həmçinin S.A.L.A (Sound Air Light Augmentation) məlumat-əyləncə sisteminin cavabdeh olacağı unikal rəqəmsal təcrübəni vəd edirlər.
Qısa təsvirə görə, S.A.L.A sistemi musiqi, iqlim və işıqlandırmaya nəzarət etmək üçün iki yüksək icazəli displeyi olan mərkəzləşdirilmiş kompleksdir. Sistemin interfeysi vidcetlərə əsaslanacaq və geniş fərdiləşdirmə imkanları təklif edəcək.
Lancia nümayəndələrinin sözlərinə görə, S.A.L.A ilə qarşılıqlı əlaqə mümkün qədər sadə olacaq: düymələrə basmaq və ya səslə əmrlər vermək olar. Bütün bunların məqsədi texnologiyadan istifadə edərək avtomobilin salonunda qonaq otağı atmosferi yaratmaqdır. Qeyd etmək gərəkdir ki, hazırda Hyundai şirkətindən tutmuş Volvo şirkətinə kimi bütün əsas istehsalçıların bu və ya digər dərəcədə “üçüncü məkan” konsepsiyasına maraq göstərirlər.
Yeni Ypsilon, artıq bəyan edilmiş elektrik versiyasına əlavə olaraq, 100 və ya 136 at qüvvəsi hasil edən 1,2-litrlik benzin mühərriki ilə təchiz olunmuş modifikasiyaları alacaq. 2025-ci ildə hetçbek tarixi HF indeksi və dörd santimetr genişləndirilmiş kuzovu olan “qaynar” versiyaya sahib olacaq. Bunun ardınca 2026-cı ildə Lancia özünün flaqman modelini - STLA Medium platformasında inşa edilmiş Gamma elektrik fastbəkini buraxacaq. Nəhayət, 2028-ci ildə əfsanəvi Delta adı model xəttinə qayıdacaq.
@ Bütün hüquqlar Autograph.az saytına məxsusdur. Məqalədən istifadə zamanı sayta istinad etmək mütləqdir.
