2016-cı ildən bəri istehsal edilən Honda Pilot modeli nəsil dəyişdirməyə hazırlaşır. Krossoverinin yeni nəslinin təqdimatının bu il keçiriləcəyi gözlənilir və yapon şirkəti tədricən ictimaiyyəti buna hazırlayır. Yeni tizer sayəsində, yeni Honda Pilot krossoverinin TrailSport ofroud versiyasını alacağı da məlum olub.
Tizerin özü o qədər də informativ deyil - təsvirdəki avtomobil mikroskopik ölçüdədir və üstəlik kamuflyajla bürünüb. Bununla belə, Honda Pilot modelinin dizaynındakı dəyişiklikləri, sınaq prototiplərinin casuslar tərəfindən çəkilmiş şəkilləri sayəsində qiymətləndirmək olar. Yeni model yuxarı qaldırılmış altıbucaqlı radiator barmaqlığını, nazikləşdirilmiş işıq texnikasını və ön bamperin yan tərəflərindəki şaquli hava girişlərini əldə edəcəkdir.
Honda Pilot TrailSport modelinin təchizatı haqqında keçən il təqdim edilmiş Passport TrailSport versiyası sayəsində mülahizə yürütmək olar. Pilot TrailSport ofroud versiyasının xüsusi radiator barmaqlığına, nişanlara, 18-düymlük təkər disklərinə, kuzovun plastikdən müdafiə qurşağına və dəri salondakı parlaq aksentlərə sahib olacağı gözlənilir.
Qeyd etmək gərəkdir ki, 2022-ci model ilinin Passport TrailSport krossoveri bir santimetr genişləndirilmiş təkər izini də alıb. Honda bir neçə il ərzində TrailSport versiyasını təkmilləşdirməyə söz verib. Belə versiyalar ofroud şinləri ilə təchiz ediləcək və daha sərt tənzimləmələri olan asqını edəcəkdir - Pilot modelinin belə təkmilləşdirmələri əldə etmək şansı çox yüksəkdir.
Növbəti nəsil Honda Pilot modelinin kapotunun altında doqquz pilləli avtomatik transmissiya ilə tandemdə çalışan 284 at qüvvəli 3,5-litrlik V6 mühərrikinin yerləşdiriləcəyi ehtimal olunur.
Honda şirkəti 10-pilləli avtomatik transmissiyanı və hibrid güc aqreqatını da krossoverin avadanlıq siyahısına əlavə edə bilər, lakin hələlik bunlar sadəcə şayiələrdir. Eyni zamanda, Pilot modelinin dördüncü nəsil Acura MDX modeli ilə eyni platformanı paylaşılacağı da gözlənilir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
