Kia şirkəti Los Ancelesdə keçirilən avtosalonda 2024-cü model ilinin Sorento ailəsini nümayiş etdirilib. Əsas yenilik - krossoverin modifikasiya çeşidinə əlavə edilmiş, X-Pro adlandırılmış daha utilitar versiyasıdır. Kia Sorento X-pro antrasit rəngli beşqollu 17-düymlük təkər diskləri, yüksək profilli “dişli” BF Goodrich şinləri, işə yararlı bamperləri, gücləndirilmiş dam reylinqləri, zəngin avadanlığı və mütləq tam ötürməsi ilə seçilir.
Kia Sorento X-Pro versiyasının xarici fərqləri ştrixlərdədir: yeni bamperlərin tanınan cəhətləri xrom əlavələrin olmaması və bir qədər dəyişdirilmiş formasıdır. “Ofroud” versiyasının imtiyazı antixrom, yükgötürmə qabiliyyəti artırılmış dam reylinqləri və qeyri-standart təkər diskləridir. Digər təchizat səviyyələrindən ciddi fərqlənməsə də, məhz X-Pro versiyası ən qabiliyyətli yedəkçidir.
Qalan cəhətdən, Şimali Amerikada satılan krossoverlər Cənubi Koreyadakılar ilə eynidir. Restaylinqdən sonra krossover fərqli eksteryer və interyerə sahib olub, baza təchizatı isə genişləndirilib. ABŞ-da beş təchizat səviyyəsi təklif edilir. Hibridlər ümumiyyətlə yenilənməyib: onların yenilənməsini 2025-ci model ilinə qədər gözləmək gərəkdir.
© Bütün hüquqlar Autograph.az saytına məxsusdur. Xəbərdən istifadə zamanı sayta istinad etmək mütləqdir.
